Aanar kåʹdd uuʹdi aanarniiʹǩǩid vuäittmõõžž vuässõõttâd budjetâsttmõʹšše da mieʹrreed, mõõn vääras kåʹdd âânči õhttsa 10 000 euʹrred.
Eʹtǩǩõõzz pueʹtte da kåʹddneeʹǩǩ jiõnste, što täin tieʹǧǧin haʹŋǩǩeed õhttsaž liikkeemneävvaid, koid vuäitt däära luõikkâd kååʹddest.
Taʹnni kååʹddest lieluõikkâmnalla ouddmiârkkân jeeʹresnallšem sââʹveǩ, nuʹtt koččum "fleskktanccâmkååʹlez" di ǩieʹsspâjja sup-luuʹd.
Oummu lie juʹn puârast luõikkâm jeeʹresnallšem neävvaid jiijjâz âsttäigga, mušttal Aanar kååʹdd âsttääiʹj piisar Mervi Urpilainen.
– Jeäʹrben täk njââllmuõttkäʹmmid lie leämmaž peäglva da oummu lie âânnam täid jiânnai, mii kuâsttai mij vaʹrrjemkaʹlndaarâst, särnn Urpilainen.
Puk laiʹnnʼjem vääras jurddum neävv lie vueiʹnnemnalla Aanar kååʹdd neʹttseeidai vaʹrrjemkaʹlndaarâst, koʹst vuäitt õõudårra luõikkâd neävvaid. Puk neävv lie tän räjja Âʹvvlest Ainola-tåimmpääiʹǩest da lie luõikkâmnalla juõʹǩǩ arggpeeiʹv.
Luõikkâmneävvain peäss sami hieʹlǩeld ođđ šlaaj smakku.
– Vuäinam, što tän luõikkâmpääiʹǩest vuäitt hieʹlǩeld ǩiõččlõddâd jeeʹresnallšem liikkeemšlaajid, mõõn mâŋŋa vuäitt haʹŋǩǩeed jiijjâs neävvaid leʹbe ââʹnned põrggsi neävvaid. Pirrekksaž staarjõõzzid meeʹst jie riʹjtte neävv, mušttal Urpilainen.
Vuässõʹtti budjetâsttmõõžžin tååim kåʹddniiʹǩǩid
Juõʹǩǩ eeʹjj kåʹdd väldd aanarniiʹǩǩid mieʹldd tuʹmmjed, mâid kååʹddest teäggted kåʹddniiʹǩǩi vääras. Juʹn iiʹjji 2020 da 2021 lie mieʹrrääm 10 000 eeuʹr âânnmõõžžâst. Muäʹdd eeʹjj mââiårra teäggteš Aanar ceerkavsiid skeiʹttjemǩeeʹdd da taʹnni tieʹǧǧ õʹnneš täi määusteʹmes liikkeemneävvai âânnmõʹšše.
Aanar kååʹdd pueʹrrjieʹllemkoordinaattor Verenna Korteniemi mieʹldd luõikkâmkaʹlndaarâst lie peeiʹv teâuddjam samai jåʹttlânji.
– Vuârdam, što kåʹddneeʹǩǩ tän âʹnškuäʹtte. Ko mušttlim, što luõikkâmpäiʹǩǩ lij äävai, de aainâs oummu lie leämmaž rämmai da ouddam positiivlaž maacctõõzz, särnn Korteniemi.
Seämmanallšem vuässõʹtti budjetâsttmõš lij puäʹđ-puäʹđ-aa še taʹnni.
Lââʹzz sääʹmǩiõllsaž ođđsid vuäitak ǩiõččâd Yle Ođđâz-seeidast da kuvddled Nuõrttsäämas-seeidast Yle Areenast.