Yle Asiaohjelmat nappo áššeprográmmat lea plánemin ođđa reality-tv-ráiddu, mii čuovvu 18–30-jahkásaš boazonuoraid eallima.
Ráiddu várás ohcet dál golbma dahje njeallje nuora, geat leat ieža badjeolbmot dahje leat boazodoalus juoganuláhkai fárus. Ulbmilin ii goittotge leat čájehit dušše boazodoalu, baicce oahpásmuvvat nuoraide ja sin jurdagiidda eallimis.
– Dehálamos lea, ahte nuoraid jietna gullo, deattuha Xia Torikka, guhte gullá ráiddu bargojovkui.
Olbmot ráidui válljejuvvojit dán čavčča áigge. Ráiddu govvegohtet olbmuid válljema maŋŋá. Jus lea beroštuvvan ráiddus, de sáhttá deavdit dán skovi. Vástidanáigi lea čakčamánu 7. beaivve rádjai.