Sámedikki dievasčoahkkin loahpahuvvo diibmu 17.37. Yle Sápmi giitá buot lohkkiid, geat leat čuvvon dán artihkkala.
Yle Sápmi čuovui: Sámediggi válljii ođđa komissáraid sámiid duohtavuođa- ja soabadankomišuvdnii
Sámedikki dievasčoahkkin válljii bearjadaga ođđa komissáran Ánne-Sire Länsmana ja Heikki Paltto.
- Xia Torikka
- Mira Rauhala
- Susanna Guttorm
•
Xia Torikka
Xia Torikka
Komissárat leaba dál válljejuvvon. Davvisámegiellagiid ovddasta Ánne-Sire Länsman ja anáraččaid Heikki Paltto.
Áirasat eai buvtte ovdan eará joatkkadoaimmaid komišuvdnii.
Anne Nuorgam máhccá čoahkkimii. Son sávvá lihku válljejuvvon komissáraide ja ahte oppa sámeservodat doarju sudno barggu.
Susanna Guttorm
Heikki Paltto anárašgielatjoavkku komissáran
Vuorbádeami vuittii Heikki Paltto ja son lea válljejuvvon anárašgielatjoavkku komissáran.
Xia Torikka
Anárašgiellajoavkku ovddasteaddji gártet vuorbádit, go guktot evttohasat leaba ožžon seamma olu jienaid. Paltto ja Lassila oaččuiga guhtta jiena. Njeallje jiena báhce guorusin.
Susanna Guttorm
Dál jienastišgohtet anáraševttohasaid Heikki Paltto ja Juha Lassila gaskkas.
Xia Torikka
Ánne-Sire Länsman davvisámegielat komissáran
Jienasteapmi Ánne-Sire Länsmana ja Anne Nuorgama gaskkas lea čađahuvvon.
Ánne-Sire Länsman lea válljejuvvon davvisámegielat komissárran. Son oaččui 10 jiena.
Su vuostteevttohas Anne Nuorgam oaččui njeallje jiena, guoros jienat ledje guokte.
Susanna Guttorm
Ságadoalli Juuso lokte ášši jienastussii. Juuso bivdá juohke áirasa čállit davvisámegielat evttohasa nama. Dan maŋŋá rehkenastojuvvojit jienat.
Xia Torikka
Magreta Sara ođđa evttohusa lassin eai boađe eará evttohusat komissáran.
Dál evttohassan leat Pirita Näkkäläjärvi evttohan Anne Nuorgam, Tuomas Aslak Juuso evttohan Heikki Paltto, Magreta Sara evttohan Ánne-Sire Länsman ja Anu Avaskari evttohan Juha Lassila.
Sámediggi viggá válljet dál ovtta komissára ovddastit davvisámegielat joavkku ja nuppi komissára ovddastit anárašgielat joavkku.
Paltto ja Lassila ovddasteaba anárašgielat joavkku, Länsman ja Nuorgamges davvisámegielat joavkku.
Susanna Guttorm
Magreta Sara evttoha komissáran Ánne-Sire Länsman. Sara oainnu mielde Länsmanis lea ipmárdus mii lea ovdal dáhpáhuvvan ja diehtá, mii dál dáhpáhuvvá sámeservodagas. Länsmanis eai leat politihkalaš čanastagat.
– Mii leat oarjjábeal sámit dovdan ahte mii eat gula dán prosessii. Sávan, ahte ná dát proseassa guoská maid sin, dadjá Sara.
Xia Torikka
Veikko Porsanger guđii čoahkkima, nappo su sadjái válljejit Tauno Ljetoff beavdegirjji dárkkisteaddjin ja jienaidrehkenastin.