Riikkabeaiáirras Eeva-Maria Maijala (guovd) imaštallá lávvardaga Lapin Kansa -aviissas manin Luke ja ohcejohkalaččat eai leat ovttaoaivilis luosaid mearis Deanus.
– Virgeolmmoš Hakaste duogášmuitočálus [mas son hálai vejolašvuođas gieldit Deanu bivddu golmma jahkái] orru hui vearrái. Báikkálaš olbmuid áddejupmi luosa dilis lea áibbas earálagan go dutkkiid. Ohcejohkalaččaid mielas Deanus lea luossa joba eanet go ovddit jagiid, Maijala dadjá Lapin Kansai.
Deanu ođđa soahpamuš vuođđuduvvá Luke dutkamušaide
Luke lea Luondduriggodatguovddáš. Ovdal dat gohččoduvvui Fuođđo- ja guolledoalu dutkanlágádussan (RKTL).
Ođđa Deanu soahpamuš vuođđuduvvá Luke dutkamušaide.
Soahpamuš ráddje Deanus goddojuvvon luosaid meari 30 proseanttain dálá dilis čuovvovaš logi jagi áigge.
Lobiid mearri njiedjá 33 000 lobis 22 000 lohpái. Suoma oassi lea 11 000 lobi.
Maijala hálida rehkenastit Deanu luosaid
Maijala lea válljejuvvon Guolledoalu guovddášlihtu ođđa ságadoallin.
Son hálida sihkkaris dieđu luosa birra.
– Mii galgat oažžut Detnui luossarehkenastinaparáhta. Millosabbot máŋga ja máŋgga sadjái vai oažžut dieđu iešguđet luossanáliid dilis. Luossarehkenastit lea doaibman bures Durdnosjogas, nu manne dat eai doaimmašii maid Deanus, jearrá Maijala.