Suoma riekteministtar Anna-Maja Henriksson oaivvilda, ahte sámediggeláhka gopmánii dasa, ahte oassi bellodagain balai manaheames jienasteddjiid Lappi guovllus. Áššis muitala STT.
Jus bellodagat livčče dohkkehan miehtemielalaš čovdosa sámediggelága ektui, lappilaš jienasteaddjit livčče sáhtán ráŋggáštit sin. Riskan livčče lean dat, ahte bellodat livčče manahan jienaid, árvala Henriksson STT:i.
Riikkabeivviid vuođđoláhkaváljagoddi jienastii mannán bearjadaga binná eanetloguin, ahte sii eai daga smiehttamuša sámediggelágas. Nuba láhka ii ovdánan dánge válgabaji áigge.
Ráđđehusbellodat guovddáš ja opposišuvdnabellodagat vuođđosuopmelaččat ja olgešbellodat jienastedje smiehttamuša dahkama vuostá.