Yle Sápmi sirdása geasseáigái vuossárgga 19.6. ja nuba Yle Ođđasat tv-sátta báhcá geasseboddui. Maiddái davviriikalaš Ođđasat báhcet geassái eret Yle TV1 -kanálas.
Boahtte vahku rájes maiddái Yle Sámi iđit -sátta báhcá geasseboddui. Dat dárkkuha dan, ahte maiddái Yle Ođđasat Sámis báhcá iđđes sáddekeahttá.
Sáddagat máhccet fas geasi maŋŋá 21.8.
Geassit iđit álgá radios Buorre iđit Sápmi -sáddagiin diibmu 8–10 Suoma áiggi. Dan maŋŋá gullojit arkiivasáddagat, Rohkos dahje Binna Bánna ja maiddái sámi musihkka nu mo ovdalge diibmu 11 rádjai. Dát sáddagat sáddejuvvojit maiddái veaigin diibmu 14–15.
Veaigesátta Dearvva! Tiõrv! Tiervâ! sáddejuvvo diibmu 15–17 nu mo dábálaččatge, ja radioođđasat gullojit juohke árgabeaivvi diibmu 15.30 ja 16.30.
Boahtte vahku rájes juohke vuossárgga gullogoahtá maiddái Yle Sámi Geasseguossi-radioprográmma. Diibmobeallásaš prográmma sáhttá guldalit juo iđđes neahtas sihke Yle Areenas ja maŋŋelis vel radio veaiggi Dearvva! Tiõrv! Tiervâ! -sáddagis diibmu 16.33–17.00.