Čakča joavdá Sápmái, ja Sámi tv-ođđasat ja radio iđitsátta máhccet prográmmii.
Yle Ođđasat sáddejuvvojit vuossárgga rájes fas juohke árgabeaivve Yle TV1:žis ja Yle Areenas. Tv-ođđasiid sáddenáigi lea borgemánus diibmu 16.45. Čakčamánu álggu rájes sátta álgá jo 16.40.
Čakčamánus riikkabeivviid gažadandiibmu váikkuhišgoahtá duorastagaid sáddenáigái, ja dalle Yle Ođđasat sáddejuvvojit juo diimmu árabuš, diibmu 15.40.
Davviriikkalaš Ođđasat-sátta oidnogoahtá maid vuossárgga rájes maŋŋit eahkes. Sihke Yle Ođđasat ja davviriikkalaš Ođđasat sáddejuvvojit nuppádassii čuovvovaš beaivve gaskabeaivvi sulaid.
Radios beaivi álgá fas iđđes čieža áigge
Yle Sámi iđit -radiosátta máhccá maid geassebottus. Sátta álgá diibmu 7.00. Yle Ođđasat Sámis gullogohtet maiddái radios jo árrat iđđes, diibmu 7.30.
Radiosáddagat joatkašuvvet muđui dábálaš sáddenplána mielde.
Davviriikkalaš Buorre iđit Sápmi -sátta álgá diibmu 8.00 ja sáddejuvvo Yle Sámi radiokánalas diibmu 10.00 rádjai.
Dan maŋŋá gullojit arkiivasáddagat Ealli Arkiiva, Ellee arkkâdâh dahje Jieʹlli Arkiiv, Rohkos dahje Binna Bánna ja maiddái sámi musihkka diibmu 11 rádjai. Dát sáddagat sáddejuvvojit maiddái veaigin diibmu 14–15.
Veaigesátta Dearvva! Tiõrv! Tiervâ! sáddejuvvo diibmu 15–17 nu mo dábálaččatge, ja radioođđasat gullojit diibmu 15.30 ja 16.30.
Ásllaga Á-studio máhccá radioi čakčamánus.
Dálveáigi dárkkuha Yle Sámis maiddái dan, ahte Geasseguossi-radioráidu nohká. Geasi prográmmaosiid sáhttá ain guldalit Yle Areenas.