Leago juoidá maid hálidivččet jearrat sámediggeválggaid evttohasain? Dál dus lea vejolašvuohta gažadit evttohasaid ja gullat sin oaiviliid Yle Sámi válgachat-ságastallamis.
Yle Sápmi lágida rabas válgachat-ságastallama maŋŋebárgga 26.9.2023 diibmu 18.00–20.00. Gávnnat válgachat dás.
Ságastallama fáddán leat čuovvovaš gažaldagat: Masa Sámediggi galggašii čuovvovažžan bidjat návccaid? Sámediggelága ođasmahttin lea dolvon ollu saji, muhto mat áššit leat báhcán dan suoivanii ja govssohallan?
Chat-ságastallama láidestit Yle Sámi doaimmaheaddjit Sara Kelemeny, Sáárá Seipiharju ja Mira Rauhala. Sámeálbmot ja sámediggeválggaid evttohasat sáhttet oassálastit ságastallamii nuortalašgillii, anárašgillii, davvisámegillii dahje suomagillii.
Buohkat leat buresboahtimat searvat ságastallamii chat-vuogádaga bokte. Yle Sápmi lea maiddái bovden buot sámediggeválggaid evttohasaid searvat válgachat-ságastallamii.
Ságastallama várás dárbbašat Yle dovddaldaga. Rávvagat dan dahkamii gávnnat dás. Yle ságastallanrávvagiid beasat lohkat dás.
Sámediggeválggat doaimmahuvvojit 4.9.–2.10.2023 ja válgalávdegoddi nanne válggaid bohtosa gaskavahku 4.10.