Lii-uv miinii maid halijdiččih koijâdiđ sämitiggevaaljâi iävtukkâsâin? Tääl tust lii máhđulâšvuotâ koijâdiđ iävtukkâsâin koččâmušâid já kuullâđ sii uáivilijd Yle Säämi vaaljâchat-savâstâlmist.
Yle Säämi uárnee ávus vaaljâchat-savâstâllâm majebaargâ 26.9.2023 tijme 18.00–20.00. Kaavnah vaaljâchat tääbbin.
Savâstâllâm fáddán láá koččâmušah: Moos Sämitigge kolgâččij čuávuvâžžân pieijâđ naavcâid? Sämitiggelaavâ uđâsmittem lii tuálvum ennuv saje, mutâ moh aašijd láá pááccám ton suoivui.
Chat-savâstâllâm läiđejeh Yle Säämi toimâtteijeeh Sara Kelemeny, Sáárá Seipiharju já Mira Rauhala. Sämiaalmug já sämitiggevaaljâi iävtukkâsah pyehtih uásálistiđ savâstâlmân nuorttâlâškielân, anarâškielân, tavesämikielân tâi suomâkielân.
Puohah láá tiervâpuáttim servâđ savâstâlmân chat-vuáháduv peht. Yle Säämi lii puávdim puoh sämitiggevaaljâi iävtukkâsâid servâđ vaaljâchat-savâstâlmân.
Savâstâllâm várás tarbâšah Yle tubdâlduv. Ravvuuh tom rähtimân kaavnah tääbbin.Yle savâstâllâmravvuid peesah luuhâđ tääbbin.
Sämitiggevaaljah toimâttuvvojeh 4.9.–2.10.2023 já vaaljâlävdikodde nannee vaaljâi puáđus koskoho 4.10.