Mâid haaʹleʹčiǩ kõõččâd sääʹmteʹǧǧvaali võboršiiʹǩǩin? Ååʹn tuʹst lij vuäittmõš kõõjjeed võboršiiʹǩǩin da kuullâd sij jurddjid Yle vaalchaattâst.
Yle jääʹrjast pukid ääv vaalchaatt mââibaarǥ 26.9.2023 čiâss 18.00–20.00. Vaalchatt käunnai tääiʹben.
Saǥstõõllmõõžž teeʹmmen lie täk kõõččmõõžž: Måkam aaʹššid Sääʹmteʹǧǧ õõlǥči saʹtssjed pueʹttiääiʹj? Ååʹn tääʹrǩmõssân lij leämmaž sääʹmteʹǧǧlääʹǩǩ, leâša mii puk lij pääccam tõn tuâkka?
Vaalchattsaǥstõõllmõõžž jååʹđte Yle tååimteei Sara Kelemeny, Sáárá Seipiharju da Mira Rauhala. Jiõnsteei di sääʹmteʹǧǧvaali võboršeeʹǩǩ vuäiʹtte vuässõõttâd saǥstõõllmõʹšše nuõrttsääʹm-, aanarsääʹm-, tâʹvvsääʹm- da lääʹddǩiõʹlle.
Puk lie tiõrv puättam saǥstõõllâd. Yle lij kåččam pukid sääʹmteʹǧǧvaali võboršiiʹǩǩid vuässõõttâd vaalchatt-saǥstõõllmõʹšše.
Saǥstõõllmõʹšše vuässõõttâm vääras taarbšak Yle Tiõtt (Yle Tunnus). Kaaunak vuäʹppõõzzid tõn tuejjummša tääiʹben. Yle saǥstõõllâmvuäʹppõõzz vuäitt lookkâd tääiʹben.
Sääʹmteeʹǧǧ vaalid tååimtet 4.9.–2.10.2023 da vaal-luʹvddkåʹdd raʹvvai vaali puäđõõzz seärad 4.10.