Yle Sámi sámediggeválggaid válgachat gesii bures ságastalliid ja válgachatii bohte oktiibuot badjel 300 kommeantta.
Válgachattis ledje mielde oktiibuot 14 sámediggeválgga evttohasa ja kommenterejeaddjit miehtá Suoma. Guovttediibmosaš válgachat-ságastallan lágiduvvui maŋŋebárgga eahkes neahtas.
Ságastallamis badjánedje ollu áigeguovdilis fáttát, earret eará mo doarjut nuoraid máhccama Sápmái, sámegielat bálvalusaid, sámiid ealáhusaid ja sámegielaid dili ovddideami, Sámi olggobealde ássi sámiid rivttiid ja oahppamateriáladili buorideami erenomážit eatnigielagiidda. Chattis ságastalle maid sámediggelágas ja dan ođasmahttimis.
Dasa lassin ságastallojuvvui Sámedikki rollas sápmelašgova buorideamis ja das, mo Sámediggi galggašii buoridit gulahallama Sámedikki siste sámeálbmoga guvlui muhto maiddái eisseválddiid guvlui.
Chat-ságastallamis čálle anáraš-, nuortalaš-, davvisáme- ja suomagillii. Ságastallama láidestedje Mira Rauhala, Sara Kelemeny ja Sáárá Seipiharju.
Válgachat sáhttá ain lohkat dáppe.