Yle Sámi nuoraidkánala Sohkaršohkka jearai sámi giellavahku gudnin sámenuorain, mat leat sin mielamiel sánit iežaset sámegillii. Vástádussan bohte iešguđetlágan sánit.
Máren-Elle Länsmanii mojohallat lea dehálaš sátni.
– Dat govvida suohtas dahkamuša, ja ieš dat sátni lea hávski, oaivvilda Máren-Elle Länsman.
Juhán Nikolaus Wuolab Wollberg fas sátni šlundi mearkkaša eandalit dán jagi áigge olu.
– Mun láven šlundut oalle ládje skápma áigge, dadjá son.
Jasmin Semenoff árvvošta ruovttu nappo domm nuortalašgillii.
– Domm. Domm lij muʹnne vääžnai, nuʹt mâʹte Čeʹvetjäuʹrr lij.
Geahča buot vástádusaid Sohkaršohka videos.