Taan oho pasepeeivi miätá Suomâ eejih uážžuh skeeŋkâid já taavluid. Aanaar kielâpiäjust párnááh láá puđâldâm taavluid sii eijijd. Párnááh láá sárgum tavluid eeji lasseen ubâ perruu já meid elleid.
Eeči lii kooveest ilolâš, ko lii eejijpeivi, muštâl Piera-Ilmar Morottaja.
– Eeči lii pargoost já sun meid sierâd muin, valdâl Morottaja eejis.
Ebba Hautala lii sárgum taavlun perruu lasseen kyehti piäiváá.
– Eejist láá vuobdah čuoppum, tego stuorrâ viiljâst-uv, tiätá Hautala.
Sofia Morottaja eeči läävee sierâdiđ suin. Morottaja kooveest láá perruujesâneh já päikkielleeh.