Yle čuovui sámedikki ortniiduvvančoahkkima dán artihkalas.
Doaibmaprográmma leat dál gieđahallan ja áirasat besset vel lasihit evttohusaid, maid prográmmii galggašii lasihit.
Yle giitá lohkkiid iige joatkke šat čoahkkima čuovvuma. Čoahkkinstreama sáhttá goit geahččat Zoom bokte.
Ortniiduvvančoahkkin lea gieđahallan ja ságastallan sámedikki doaibmaprográmma birra áigodahkii 2024-2027.
Leena Niittyvuopio-Jämsä loktii ovdan fuola Sámi Giellagáldu beales, go seastindoaimmaid dihte maiddái Ruoŧa Sámediggi lea geahpedeamin Giellagáldu ruhtadeami.
Ulla-Maarit Magga hálai sámenuoraid dáiddadáhpáhusa ruhtadeami dorvvasteamis ja dáhpáhusa mearkkašumis sámemánáide ja -skuvllaide. Janne Hirvasvuopio lasiha dasa, ahte livččii somá jos sámeguovllu olggobeal sápmelaš skuvlamánát beasašedje fárrui.
Niko Valkeapää guorahallá, livččiigo vejolaš oahppomateriálaid oasil bargat davviriikkalaš ovttasbarggu, nu ahte seamma materiálaid sáhtášii geavahit iešguđet riikkas.
Nilla Tapiola muitala, ahte oahppomateriála oasil dilli lea hui heittot. Sámegielat oahppomateriálat leat boarasmuvvan ja máŋgasat geavahit dan dihte suomagielat oahppogirjjiid. Ulla-Maarit Maggas lea seamma vásáhus.
Tuomas Aslak Juuso lohká, ahte ruhtadeapmi lea jagiid áiggi lassánan ja giitala das erenomážit Ruoŧŧelaš álbmot bellodaga ja erenomážit Suoma ovddeš oahpahusministtar Anna-Maja Henriksson.
Čuovvovažžan ortniiduvvančoahkkin gieđahallá Sámedikki doaibmaprográmma badjái 2024-2027.
Hálddahushoavda Pia Ruotsala-Kangasniemi ovdanbuktá evttohusa doaibmaprográmmas.
Anárašáššiid ráđđádallangotti lahtut leat Anu Avaskari, Leo Aikio, Inka Musta, Aslak Pekkala, Petter Morottaja, Marko Tervaniemi ja Anni Koivisto.
Ráđđádallangoddi vállje ieš joavkkustis ságadoalli ja várreságadoalli.
Várrelahtut leat Pasi Aikio, Heikki Nikula, Marjukka Helander, Sinikka Mäkinen, Henna Aikio, Yrjö Musta ja Varpu Falck.
Divvojuvvon 23.9. dii 18.54: Sámediggi mearridii, ahte ráđđádallangoddi vállje ieš ságadolliid.
Sihke girkolaščoahkkinovddasteaddjin ja bismágotti stivrii válljejuvvo Aslak Pekkala.
Várrelahtun sutnje leaba Tauno Ljetoff ja Máret-Ingá Länsman.
Sámi parlamentáralaš bargojovkui gullet Pirita Näkkäläjärvi, Tuomas Aslak Juuso, Niko-Mihkal Valkeapää, Anni Koivisto, Karen-Anni Hetta ja Janne Hirvasvuopio.
Várrelahtun leat Leo Aikio, Ulla-Maarit Magga, Veikko Feodoroff, Asko Länsman, Anu Avaskari, Leena Niittyvuopio-Jämsä ja Inka Musta.
Sámedikki sosiála- ja dearvvašvuođalávdegotti ságadoallin lea Leena Niittyvuopio-Jämsä ja várreságadoallin Ulla-Maarit Magga.
Lahtut leat Aslak Pekkala, Heidi Eriksen, Tinja Semenoff, Niila Rahko ja Armi Palonoja.
Várrelahtut leat Niilo Vuomajoki, Tuomas Aslak Juuso, Anu Avaskari, Aslak Niittyvuopio, Anne Mäkinen, Tuuni Partti ja Inga Äärelä.
Sámi giellaráđi ságadoallin leat válljen Ulla-Maarit Magga. Várreságadoallin Leena Niittyvuopio-Jämsä.
Lahtut giellaráđis leat Anni Saara Aikio, Petter Morottaja, Suvi Niittyvuopio, Jouni Aikio ja Veikko Feodoroff.
Várrelahtut leat Inker-Anni Magga, Marko Tervaniemi, Anna-Liisa Väyrynen, Hannu Kangasniemi, Ara Aikio, Margareetta Suoninen ja Terhi Harju.
Kulturlávdegotti ságadoallin leat válljen Anu Avaskari. Várreságadoallin lea Niko Valkeapää.
Lahtut kulturlávdegottis leat Sisko Länsman, Anu Magga, Iisko-Matti Näkkäläjärvi, Inka Kangasniemi ja Erkki Feodoroff.
Várrelahtun leat Aune Musta, Kari Toivo Lukkari, Mika Aikio, Jukka Palonoja, Anne Jaurun, Anniliina Lassila ja Mari Gauriloff.
Oahpahus- ja skuvlenlávdegotti ságadoallin joatká Anni Koivisto. Várreságadoallin lea Nilla Tapiola.
Eará lahtut leat Mathis Ole Vars, Anna-Katariina Feodoroff, Iiris Kangas, Marjaana Aikio ja Laura Niittyvuopio-Valle.
Várrelahtut leat Markku Porsanger, Laura Kotavuopio, Milla Pulska, Maarit Kiprianoff, Henna Aikio, Kari Torikka ja Nilla Pieski.