Yle Uđđâseh tv-vuolgâttâs, tave-eennâmlâš tv-uđđâseh, Yle Säämi iiđeed já Sukkâršokki -radiovuolgâttâsah pääcih kesipuudân vuossaargâ kesimáánu 22. peeivi.
Veikkâ tv-vuolgâttâsah pääcih luámun, te radiovuolgâttâsah kullojeh ubâ keesi.
Tave-eennâmlâš Buorre iđit Sápmi –radiovuolgâttâs kulloo tego táválávt jyehi argâpeeivi tijme 8.00-10.00.
Ehidispeiviv kulloo Geasseradio-vuolgâttâs tijme 14.30-16.00. Yle Uđđâseh Säämist vuolgâttuvvoo radiost tijme 14.30.
Vuossaargâ já vástuppeeivi kuullâp Tiervâ!-vuolgâttâsâst kesikyesi. Kesikyessi lii ohjelmráiđu, mast sämikielâg ulmuuh jieškote-uv kuávluin Säämist muštâleh aašijn, moh kyeskih sii eellim. Kesikyessin láá ovdâmerkkân Johan Aslak Labba, Petter Morottaja, Nils-Jonas Ketola, Niina Aikio-Siltala, Mervi Semenoff, Maritta Autio, Jouko Mosnikoff já Sámi Hustler.
Yle Säämi kesiäigi ääigi puáris Binna Bánna -vuolgâttâsah, arkkâdâh- já rukkoosvuolgâttâsah vuolgâttuvvojeh uđđâsist iđedispeiviv tijme 10.00-10.30 já ehidispeiviv tijme 14.00-14.30.
Tälviááigán maccâp sehe televisiost, ete radiost porgemáánu 17. peeivi.