Anáris lágidit vahkuloahpas sámemeašttir-gilvvohallamiid. Deike čoahkkanit gilvvohallit miehtá Sámi gilvvohallat das gii lea sávrrimus iežas šlájas. Gilvošlájat leat čuoigan ja boazovázzi-gilvu, mas čuoigama lassin lea vel njoarosteapmi.
– Illudan das ahte guhkes áigái mii sáhttit ordnet dán gilvvu. Dál besset maid Norgga ja Ruoŧa bealde deikke, muitala Rita Nurmenrinta Anára Sámi Searvvis.
Maŋŋebárgga eahket rádjái ledje lágideaddjiide boahtán sullii 40 almmuheami gilvvohallamiidda. Nurmenrinta ii jáhke, ahte koronadilli boahtá váikkuhit oassálastimearrái.
– Dál olbmot besset guhkes áigái gilvalit, de gal mun jáhkán ahte dál bohtet olu čuoigit.
Gilvvut álget lávvardaga Anára čuoiganguovddážis diibmu 12 boazovázzi-gilvvuin.
Beaivvi ságaid ja Yle Ođđasiid Sámis sáhtát maid guldalit Yle Areenas.
Beaividuvvon 7.4.2022 diibmu 13.00: divvojuvvon searvvi namma