Avvila skuvlaguovddážis lei duorastatiđit fas dorvvolašvuođa sihkkarastin. Skuvlla giddejedje ja oahppit ledje lohkkaduvvon skuvlii sisa dan botta go boles dárkkistii skuvlla birrasa.
Anár gielda ja bolesat dieđihedje dilis duorastaga iđđes. Ođđa áitta bođii gaskavahku eahkes diibmu 18 áigge šleađgaboastta bokte. Seamma áigge go áitta bođii, skuvllas lei dieđihandilálašvuohta váhnemiidda maŋŋebárgga dáhpáhusain.
Duorastatiđit boles sirrii skuvlla birrasa ja čielggadii dili. Báikki alde ledje máŋga bolespatrulla, main oasis ledje lossa vearjjut fárus.
Ovddit dorvvolašvuođa sihkkarastin lei maŋŋebárgga veaigin, go dalle sosiála medias lei boahtán áitta, mii lei čujuhuvvon Avvila skuvlii. Maŋŋebárgga áitaga dagaiga guokte vuollái 15-jahkásačča, geaid boles identifiserii iežas dutkandoaimmaiguin. Sudnos ii lean áigumuš ollašuhttit áitaga.
Avvila skuvlaguovddážis leat oktiibuot sullii 500 oahppi, geat vázzet ovdaskuvlla, vuođđoskuvlla ja logahaga. Maŋŋerbárgga stuorámus oassi ohppiin lei geargan jo vuolgit skuvllas eret go dilli álggii, muhto dál masá buot skuvlla oahppit ledje báikki alde.
Skuvlaguovddáš Kaartees lea maiddái giellabeassi nappo mánáidgárdi.
Biebmofuolahussii rievdadusat
Skuvlaguovddáža guovddášgievkkanis leat maiddái fievrridan borramuša miehtá gieldda, muhto fievrridemiid gaskkalduhtte iđitbeaivái. Iđđes borramuša gerge sáddet Anára skuvlii ja guovllu beaivedikšobáikkiide.
Bálvalanguovddáš Koivikkos ja Männikkö bálvalanruovttus galge boradeami dikšut eará láhkai.
Divvojuvvon 5.10. dii. 13.55: Ođđa áitta sáddejuvvui šleađgaboastta bokte, ii sosiála medies nu mo vuos muitaleimmet.