1. Sámediggeválggaid boađus
Jagi 2023 lohkkiid geasuhii buot eanemus sámediggeválggaid boađus, mas Yle Sápmi lágidii čuovvunartihkkala.
Dasa lassin lohkkiid geasuhedje čuovvovaš sámediggeválgaođđasat ovdal válgabeaivvi.
- Sámegiella virggálaš giellan? Sápmelaččaide iežaset riikkabeaiáirras? Oahpásmuva sámediggeválggaid evttohasaide ja sin oaiviliidda
- Goalmmádas sámediggeválgga evttohasain leat ođđa namat – geat sii leat ja manin sii háliidit Sámediggái?
2. Dáhpáhusat Sámis
Maiddái Sámi dáhpáhusat ledje eanemus lohkkojuvvon ođđasat vássán jagi. Buot bivnnuhamos dáhpáhus lei goittotge Sámenuoraid dáiddadáhpáhus. Yle Sápmi čuovui dáhpáhusa dán čuovvunartihkkalis.
Dasa lassin Sámi dáhpáhusain lohkkiid geasuhedje earret eará Sámi oahpahusguovddáža ávvudoalut, Anár Pride ja Ijahis idja.
- Sámi oahpahusguovddáš ávvuda 45 jagi – oahpahusguovddážis máŋggabealát mearkkašupmi sámeguovllus
- Olbmot čoahkkanedje ávvudit ráhkisvuođa – máhca Anár Pride dovdduide govaid ja video bokte
- Geahča videos dovdduid Ijahis ijas – lávvardaga sáddagis mielde Biret ja Katja Haarla
3. Nuoraid dálkkádatallačoahkkin Helssegis
Artihkal nuoraid dálkkádatallačoahkkimis Helssegis skábmamánus lohkkojuvvui goalmmádin eanemus dán jagi. Sámenuorat ledje mielde čuovvumin válgapanela.
4. Gáregasnjárgga ođđa gávpejas
Njealjádis eanemus lohkkojuvvui artihkal Gáregasnjárgga ođđa gávpejasa birra.
5. Sámenuoraid miellačájáhus Helssegis
Viđádin eanemus lohkkiid geasuhii sámenuoraid miellačájáhus Helssegis cuoŋománus. Nuorat hálidedje čalmmustahttit sámediggelága ja sámiid rivttiid.