1. Sámediggelága gieđahallan geasuhii buot eanemus
Jagi 2022 buot eanemus geasuhedje sámediggeláhkii laktáseaddji čuovvunartihkkalat: sámediggelága ovdáneapmi riikkabeivviin ja jienasteapmi sámediggeláhkaevttohusas Sámedikki dievasčoahkkimis.
- Yle Sápmi čuovvu sámediggelága ovdáneami: Sámediggeláhkaevttohusas vuordimis viiddis gullamat – ráđđeaddit gártejit geaidda láhkaevttohus guoská
- Yle Sápmi čuovui: Sámediggi dohkkehii sámediggeláhkaevttohusa – evttoha riikabeivviide rievdadusaid gieldamandáhtaide
2. Lohkkit hálidedje lohkat maiddái koronavirusa birra
Nubbin eanemus lohkkojuvvon ođđasat ledje ođđasamos dieđut koronavirusdilis mannan giđa.
- Ođđasamos dieđut koronavirusis: Anára gielddas šaddá vuordit máŋggaid vahkuid, jus áigu ii hohpolaš -dikšui | Ráđđehus gieđahallá restoráŋŋaid ráddjendoaimmaid álgovahkkus
- Ođđasamos dieđut koronavirusis: Badjel 80-jahkásaččaide addigohtet njealját koronaboahkuhusaid Anáris | Seaŋgaossodaga galledangielddus Avvilis joatkašuvvá
3. Duohtavuođa- ja soabadankomišuvnna jorggáldagat ja komissáraid válljen geasuhedje
Sámiid duohtavuođa- ja soabadankomišuvdnii guoskevaš čuovvunartihkkalat ledje goalmmádin eanemus lohkkojuvvon ođđasat davvisámegillii ja maiddái anárašgillii. Artihkkaliin gieđahalle earret eará komissáraid válljema ja komišuvnna barggu joatkašuvvama.
- Yle Sápmi čuovui: Sámediggi válljii ođđa komissáraid sámiid duohtavuođa- ja soabadankomišuvdnii
- Yle Sápmi čuovui: Sámediggi mearridii doarjut duohtavuođa- ja soabadankommišuvnna barggu joatkima – válljejit borgemánus ođđa komissáraid
- Yle Sápmi čuovui: Sámediggi mearridii bissehit duohtavuođa- ja soabadankommišuvnna barggu gaskaboddosaččat
4. Avvila logahaga boarrásiid dánssat beroštahtte
Kárášjoga joatkkaskuvlla oahppit gallededje Avvila logahaga ja seammás besse oahpásmuvvat Suoma beal logahagaid dánsunárbevirrui.
5. Guovloválggaid Sámi válgalávvu logahii
Yle čuovui guovloválggaid Lappi eanangotti ja Sámi oainnus čuovvunartihkkalis, mii geasuhii lohkkiid viđádin eanemus dán jagi.
6. Deanu bivdoriekteášši bekkii
Alimus riekti hilggui cuoŋománus buot sivahusaid Deanu bivdoriekteáššis ja ášši čuovvunartihkal bekkii guđádin eanemus jagi 2022 ođasartihkkaliin.
7. Skállovári gárdeskuvla beroštahtii
Gálddoaivve bálgosa gárdeskuvla Skállováris lea dahkan vejolažžan dan, ahte mánát besset vázzit skuvlla seammás go bigálastet ovttas bearrašiiddisetguin.
8. Sáhttágo juovlastállui sáddet skeaŋkkaid?
Mihku Ilmára Minka jearahallui mánnán juovllaid birra. Jearahallan almmustahttui diibmá Yle Elävä arkisto bokte, ja filbmabihttá bekkii sosiála medias. Dát geasuhii maiddái Yle Sámi lohkkiid.
9. Sámenuoraid dáiddadáhpáhus geasuha jámma
Yle Sápmi lei njuolggosáddagis báikki alde sámenuoraid dáiddadáhpáhusas Anáris. Somás muittut ja olbmuiguin deaivvadeapmi lea máŋgasiidda dehálamos oassi dáhpáhusas.
10. Mánáid iehčanasvuođadoalut geasuhedje lohkkiid
Stáhtaministara iehčanasvuođabeaidoaluide bovdejedje mánáid Suoma juohke gielddas ja nu Gáregasnjárgga máná guovttos vulggiiga maid reisui.
Dáid ođđasiid lassin davvisámegiel ođđasiin lohkkiid geasuhii maid Oanehaččat Sámis -ođasartihkal.